VEHAP NEDIM BEZHANI  (  4 prill 1934 – 12 prill 2002 ) : Asistent Profesor, Doktor i Shkencave në Gjeologji

Lindi në Fterrë. Mbas mbarimit  të shkollës së mesme politeknike në Tiranë, punoi për disa vjet në Mirditë si gjeolog. Në vitin 1961 përfundon Universitetin e Tiranës dhe deri në vitin 1968 punon përsëri në Mirditë, në Rubik, si inxhinier gjeolog. Nga viti 1968 deri në vitin 1972 e gjejmë në ndërmarrjen gjeologjike të Pukës.

Nga viti 1972 deri në vitin 2000 kryen detyra të rëndësishme në Institutin e Kërkimeve dhe Projektimeve Gjeologjike në Tiranë, detyra që i vazhdoi deri kur doli në pension.

Ka kryer shumë studime e projektime me vlerë në fushën e gjeologjisë e veçanërisht për perspektivën e  bakrit në rrethet e Veriut, i vetëm, apo me grupe pune  të drejtuar prej tij. Është bashkautor në hartën gjeologjike dhe atë metalogjenike të Shqipërisë,

Në vitin 1988 merr titullin “Doktor i Shkencave”, në vitin 1991 titullin “Mjeshtër kërkimesh” dhe vitet e fundit Asistent-Profesor.